Þessi Dodge bíll sem er hér á mynd var einu sinni tækjabíll slökkviliðsins á Selfossi. Um er að ræða Dodge Power bíl sem slökkviliðsmenn byggðu á pallinn stærðar hús sem hýsti tæki slökkviliðsins.
Bíllinn er með drifi á öllum  hjólum. (4X4)
Fyrir nokkrum árum var hann seldur á nokkrar krónur til Egilsstaða. Þar var hann að þjóna slökkviliðinu þar til hann fór að Djúpavogi og þjónaði liðinu þar. Nú í sumar sá einn athugull myndasmiður bílinn undir húsvegg í bæ einum á Austurlandi.
Við eftirgrennslan kom í ljós að hans bíður alsherjar gegnumtekt, færa á bílinn í upprunalegt USA form.
Án efa á hann eftir að líta vel út og verða eigandanum til sóma.