Svona hefði getað farið ef ekki hefði verið brugðist strax við.

Í gærkvöldi ( mánudag) kl. 21,45 hringdi vegfarandi á Selfossi í síma slökkviliðsstjóra og tilkynnti um töluverðan eld í gróðri við Stóra hól á Selfossi. Svæðið við hólinn er mikið gróið og töluvert um sinu á því.

Varðstjóri var fyrstur á staðinn og náði að slökkva eldinn með aðstoð vegfarenda.

Ungir drengir voru að fikta með eld og misstu verkefnið úr höndunum. Töluverður eldur var kominn í sinu og hefði ekki mátt miklu muna að stærra svæði hefði orðið eldi að bráð.