Það er ávalt keppikefli hjá okkur viðbragðsaðilum að hafa öryggið í hávegum.
Þegar slökkviliðsmenn koma t.d. að bílslysi þar sem þarf að vinna við klippuvinnu til að losa fólk úr bílflökum, er mjög mikilvægt að tryggja vettvang. Tryggja að ekki sé ekið á þá sem eru að vinna klippuvinnuna og einnig að bílar liðsins sjáist vel.
Til að koma til móts við þessar staðreyndir, höfum við hjá BÁ látið setja endurskinsstrípur á tvo bíla liðsins. Verkið vann fyrirtæki í Þorlákshöfn, SB Skiltagerð, en það fyrirtæki er m.a. í eigu eins af liðsmönnum BÁ í Höfninni, Smára B. Smárasonar.