Æfingar voru á tveimur starfsstöðvum Brunavarna Árnessýslu í gærkvöldi 9.september.
Slökkviliðsmenn í Reykholti héldu vatnsöflunaræfingu í ausandi rigningu og roki, sem og slökkviliðsmenn á Selfossi. Nokkrir slökkviliðsmenn frá starfsstöð okkar í Hveragerði tóku þátt í æfingunni á Selfossi sem er afar jákvætt, styrkir liðsheildina og samræmir verklag.
Á mánudaginn síðasta héldu svo slökkviliðsmenn í Árnesi samskonar æfingu.
Í lok æfingar fóru menn svo yfir búnað slökkvibílanna samkvæmt talningarblöðum til þess að tryggja að allt sé á sínum stað eftir sumarið.
Meðfylgjandi myndir eru frá æfingunni á Selfossi.
